عبيد وقوانين السلطان …..

#اضحك_وتبسم
#ابشر_و_تبسم
#هبل_تايم
#حزايا_حضرمية
#عبيد_وقوانين_السلطان
#مثل_عنا_فرد_شكل
#هم_مواطن

197708_660_5196783_opt

في يوم من الايام اصدر السلطان قانونا انه يمنع عبور سدة المكلا لكل انسان يأتي ومعه اربع امور الا ان يدفع عانتين عن كل وحدة منها  :
1_اي شخص معاه تيس عريق (عجوز)
2_اي شخص اصلع
3_اي شخص مايلبس سروال تحت الصارون (الفوطة)
4_اي شخص شوره بشور  حرمته

وكما تعلمون ابلغ الخبر للعسكر في السدة وهو عسكري  سيدي قال لي ..
في يوم من الايام حرمة عبيد قالت له
: عبيد ماشي شغله معك … قم كه شل التيس بعه في المكلا …شفه عريق و لا منه نفع .
قال لها : معش حق…  بشل بوه و بابيعه ـ
صاحبنا عبيد شل تيسه وعصبه بحبل وسار للمكلا .. و هو بيدخل من السده شافه الحارس ومعه التيس العريق .
صاح الحارس : عبيد عليك تدفع عانتين .
عبيد : حق واه؟
الحارس:  معك تيس عريق والسلطان قال اي واحد معاه تيس عريق عليه عانتين .
عبيد:  ونا مابدفع .
تماسك الحارس وعبيد …
ومع الشد و الجذب طاحت العمامة من فوق راس عبيد .
وظهرت صلعة عبيد .
الحارس : عادك صلعه عليك عانتين ثانيه قدها اربع عانات .
عبيد:   غرام في بوك ولا بدفع عانه وحده.

وتمساكوا و تهادوا الا شوية طاح الصارون وراح يرتبه عبيد ….
صاح الحارس : عبيد بلا سروال استح ياعبيد. . ما ذلحين  عليك ست عانات .
عبيد :  صدق ماهو منك الا من الهبلا  اللي في الدار من قال لبوي اسمعها قالت شل التيس بعه .
صاح الحارس : لابوك راعه عاد شورك ع شور حرمتك ذلحين قدهن 8 عانات …….

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *