اعادة نشر 2009: ليلى ذات الرداء الاحمر الحقيقية

ليلى ذات الرداء الاحمر .. القصة الحقيقية!!!!!!!!

كتبهاأحمد مبارك بشير ، في 14 مارس 2009 الساعة: 07:34 ص

اسمها ليلى

قصتها معروفة جدا .. لكن هناك جزء ثاني لها او بالأصح النسخه العدنيه من القصه

أم ليلى صيحت لبنتها وهي تلعب :
– ياليلااااااااااااااااااااا ااااااى .. يا ام الجن فييييييييييييييييييييينك ..
– اني هنا يا مه…. ايش تشتي
– لك حبة براسك… فين كنتي .. اني شحبتوا من كثر ما صيحت لك
– كنتو العب شبدلو
– طيب يا مليحة .. روحي بيت الجيران وقولي لهم لو في معاهم سكر لاني بسوي كعك لجدتك وخلص السكر
– طيب

ليلى راحت لبيت الجيران ودقت الباب بعنف ثوري … خالة فطوم ( جارتهم ) صاحت وهي تفتح الباب
– لك كسر بيدك ياللي تدق الباب .. ايش تشتي تكسره

ولما شافت ليلى قالت لها:
– ليش كدا تدقي الباب .. ايش فيبك جني
– اصلا اني مستعجلة يا خالة
مطت خالة فطوم شفايفها وهي تقول في قلبها ( اللي يسمعها يقول معاها الوزارة ) وقالت
– ايش تشتي طيب ؟
– نعم .. تقول امي .. نعم .. في معاكم .. نعم .. قليل .. نعم
– لك لعيصة تلعصك .. ايش من نعم اللي تشتيهو مني دحينه ؟؟
– لا لا يا خالة .. نعم تقول امي معاكم قليل سكر
– طيب استني بجيب السكر
وراحت فطوم المطبخ وهي تتمتم ( يا ربي متى بنسكه من دولا الجيران اللي ولا يبطلوا يشلوا راشن بيتنا )
واحضرت السكر
فعلى طول ليلى جرت بالسكر لعند امها
وبعد مشاوير لكل بيت في العمارة عشان طلبات الكعك ( دقيق – زبدة – صحن حق الكعك – الخ الخ حيث ان الوصفة تتضمن انه لزيادة حلاوة الطبخة لازم تكون معمولة من البلاش والبلاش زي ما تعرفوا حااااااااااااااااالي )
المهم ليلى شلت البرتن ( الوعاء ) حق الكعك وراحت الغابة
وكانت ليلى ذات الرداء الاحمر تتقنفز وتلعب في الغابة وهي في طريقها لجدتها
كان مشوار الغابة من احلى المشاوير
المهم بعد القنفزة والتمتع بخيرات الطبيعة
كانت كل ما شافت وردة تقول
– اووووه يا ربي ما احسنه .. تجنن
وتقطفها وبعد قليل وعشان تبرد قلبها ترميها بالارض وتدعسها تمام عشان ما يتعرف اهل الوردة على بنتهم المغدور بها
وهكذا مع كل شجرة تكتب فيها ذكرياتها عشان تخلدها الاجيال القادمة ( على افتراض انها ستصير مثل هدى شعراوي او شجرة الدر )
المهم وبينما هي تتقنفز شافت الذئب متخبي وراء شجرة وذيله باين من العرم حق الشجرة
على طول ليلى قفزت لعنده وصاحت :
– ايوة .. شفتك … انت تشتي تاكل جدتي
– اعوذ بالله من الشيطان الرجيم .. فجعتينا الله يشلك .. الواحد يقول احم ودستور مش تقفزي فوقي زي ام الصبيان
– اني عارفة انك الذئب الشرير اللي يشتي ياكل جدتي ويلبس ثيابها ولما افتح الباب بياكلني اني كمان
– لك جني يشلك انتي وجدتك .. مين اللي يشتي ياكلك انتي يا رمة .. انا مش ناقص تسمم ..
– يعني انته ما تشتيش تاكل جدتي
الذئب خلاص قده يتقرطط من الضبح والقهر من العقل الفسافسي حق ليلى وصاح فيها
– اقولك يا بنت روحي من قدامي ذحين انا مش فاضي لك

ليلى تركته في حاله ورجعت تتقنفز في الغابة وهي تغني:
– بابا قللي انا برعم .. هاه هاه هاه هاهها .. برعم الدنيا الجميلة .. هاه هاه هاه هاهها

وفجأة لقت الذئب وراء شجرة ثانية وذيلة يبان من الجذع فقفزت فوقه قفزه زي الكابتن ماجد وهي تقول :
– كشفتك .. انته تلحقني .. انته تشتي تاكل جدتي .. اني عارفة انك شرير وتشتي تاكل جدتي
– يا قلبي لك الحبحب .. يا بنت قلبي ورم من اذيتك .. كيف تشتينا افهمك … انا ما اشتيش آكل جدتك .. لك بقرة تلحسك انتي وجدتك
– يعني ما تشتيش تاكل جدتي
– تشتينا احلف لك بايش عشان تصدقي .. يا جنية انا عادنا اكلت قبل ساعة صحن مندي ..

المهم ليلى تركته في حاله ورجعت تتقنفز كالعادة .. وهذه المرة جلست تغني اغاني امل كعدل وفيصل علوي ( ما قدرت انقل ما قالته عشان بعض الناس عندهم تحسس من هذه الاغاني .. وخاصة ان بعضهم تم نقله الى مستشفى الامومة بسبب اعراض غريبة انتابته بعد سماع هذه الاغاني )
المهم هذه المرة شافت الذئب خلف شجرة عتيدة وذيله باين من الطرف الثاني للشجرة ..
هنا ما اصطبر لها وعلى طول قفزت فوقه زي الحصان حق بيبيرو وهي تقول
– شفتك .. هذه المرة اوبة تقول انك ما تشتيش تاكل جدتي .. اني متأكده هدي المرة

الذئب خلاص ما استحمل .. انفجر وبدأ ينتف شعر جسمه وهو يصيح
– يامااااااااااااااااااااااا اااه .. الحقوني .. باموووووووووووووت .. لي ساعة وانا اشتي ابول ودي البنت تقفز لي .. آ