المال والبنون
اغنية تتر مسلسل المال والبنون:
كلمات : #سيد_حجاب ، الحان : ياسر عبدالرحمن ، توزيع : ياسر عبدالرحمن، غناء: #علي_الحجار
المال والبنون مسلسل مصري من جزئين أنتج وعرض في بداية تسعينيات القرن العشرين، حيث عرض الجزء الأول بعام 1993 والثاني بعام 1995. كتب المسلسل محمد جلال عبد القوي وأخراجه مجدي أبو عميرة.
تتر البداية:
ايه معنى دنيتنا وغايه حياتنا
اذا بعنا فطرتنا البريئة الرقيقة
وأزاي نبص لروحنا جوه مرايتنا
اذا احنا عشنا هربانين م الحقيقة
المال تجيبه الريح وتاخده الهوايل
اما البنون يوم الحساب بيفوتونا
مال ايه دا لو كان مال قارون كله زايل
ولا غير عمايل الخير ياهوووه انجدونا
ومين نكون ان بعنا يومنا وماضينا
وليه نعيش اذا كانش بكره يراضينا
وأزاي ننام من غير ما نحلم ببكره
وبكره دا منين يجي الا بادينا
قالوا زمان دنيا دنية وغروره
وقلنا واللي تغره تخسر مصيره
قالوا الشيطان قادر وله الف صوره
قلنا ما يقدر ع اللى خيره لغيره
تتر النهاية:
قالوا زمان دنيا دنية غرورة
وقلنا واللي تغره يخسر مصيره
قالوا الشيطان قادر وله ألف صورة
قلنا ما يقدر على اللي خيره لغيره
إيه معنى دنيتنا وغاية حياتنا
إذا بعنا فطرتنا البريئة الرقيقة
وإزاي نبص لروحنا جوه مرايتنا
إذا إحنا عشنا هربانين من الحقيقة
قالوا زمان دنيا دنية غرورة
وقلنا واللي تغره يخسر مصيره
قالوا الشيطان قادر وله ألف صورة
قلنا ما يقدر على اللي خيره لغيره
ومين نكون إن بعنا يومنا وماضينا
وليه نعيش إذا كانش بكرة يراضينا
وإزاي ننام من غير ما نحلم ببكرة
وبكرة ده منين يجي إلا بإيدينا
قالوا زمان دنيا دنية غرورة
وقلنا واللي تغره يخسر مصيره
قالوا الشيطان قادر وله ألف صورة
قلنا ما يقدر على اللي خيره لغيره